Salvation

Ano ang iyong magiging kalagayan   kung ikaw ay kay Hesukristo lamang aasa at hindi  gagawa ng pansariling ikabubuti?

Kapag iaasa ng isang sarili ang kaligtasan kay Hesus at hindi ka gagawa ng kanyang ikabubuti, iyan ay pananampalataya na walang gawa, baog at walang kabuluhan.  Ayon sa sitas ng Banal na Aklat

I Corinto 15: 19-20
 19 Kung sa buhay lamang na ito tayo nagsisi-asa kay Cristo, ay tayo sa lahat ng mga tao ay lalong kahabag-habag
20 Datapwa’t si Kristo nga’y muling binuhay sa mga patay na siya ay naging pangunahing bunga ng nangatutulog.

Ito ang mensahe (Estudio 04/031996)

At sapagka’t ang pagkakautang na nagawa ay pagbabayaran hanggang sa kahulihulihang beles ng pagkakautang, nangangahulugan  lamang na ang pagkakasala ni Pedro ay hindi si Juan ang magbabayad kung hindi si Pedro rin.

At hindi rin naman maaaring sabihin na dahil nagkasala si Pedro, si Hesus ang tutubos sa pagkakasala ni Pedro.  Maaari pang sabihin na ang Panginoon man ay nagbayad din ng Kanyang kautangan noong panahon na siya ay dumadaan sa palihan at dahil dito, Siya ay nagpasan ng Kanyang krus na sagisag ng tiisin, sapagka’t di lingid sa lahat Siya rin ay Anak ng Tao.

Idugtong pa,  na nang dahil sa muli at muling pagkabuhay ay nakatagpos at nalagpasan ang tiisin sa kapatatagan kung kaya sa dakong huli ay napagtagumpayn Niya ang laman at Siya ay nakapagbayad na ng kahuli-hulihang beles ng kanyang pagkakautang at sa huling yugto ay naihayag Niya ang pagpapatotoo na nakita ng sangkatauhan.

Kaya ganyan din si Pedro sa kanyang kalagayan na sa kanyang pagkakautang, siya ay tatanggap ng katarungan mula sa Ama at siya ay pahihintulutan na makapagbayad hanggang sa kahuli-hulihang beles ng kanyang pagkakautang.

Kaya nga, mapalad ang mga tao sa kapanahunang ito sapagka’t nakakita sila ng halimbawa na maging daan upang pamarisan at sila naman ang tumubos ng kanilang kautangan.  At dahil sa may buhay na halimbawa, higit pa sa Kanyang ginawa ang magagawa ng tao.

2011-02-019